Publikimet/Hulumtimet
MATJA E KËNAQSHMËRISË DHE EKSPERIENCAVE TË PACIENTËVE SPITALI I PËRGJITHSHËM PRIZREN, 2023
Në shumicën e studimeve, eksperienca dhe kënaqshmëria e pacientëve merren si e njëjta gjë, por ato kanë një dallim esencial. "Eksperienca lidhet me perceptimin e pacientit për kujdesin shëndetësor, ndërsa kënaqshmëria ka të bëjë me pritjet e pacientit për kujdes shëndetësor."
Pra, në të njëjtin kujdes shëndetësor, me të njëjtat standarde, një pacient mund të jetë më i kënaqur se tjetri, varësisht se cilat janë pritjet e tij për kujdesin shëndetësor.
Edhe pse eksperienca dhe kënaqshmëria e pacientëve janë të ndara nga njëra-tjetra, për të nxjerrë një pasqyrë të mirë të kujdesit shëndetësor të ofruar, është mirë që të dyja të maten së bashku, në mënyrë që pritjet e pacientëve për kujdesin të mos jenë përcaktuese në vlerësimin e kujdesit shëndetësor.
Ky hulumtim pasqyron eksperiencat dhe kënaqshmërinë e 346 pacientëve të Spitalit të Përgjithshëm të Prizrenit në kujdesin shëndetësor të ofruar. Në të janë trajtuar shumë përcaktues të kënaqshmërisë së pacientëve në marrjen e shërbimeve shëndetësore në këtë spital.
Hulumtimi ka analizuar aspektet administrative, klinike dhe menaxheriale të kujdesit shëndetësor.
Të dhënat tregojnë për një kënaqshmëri mbi mesatare (rreth 66%) me shërbimet shëndetësore.
Në këtë kënaqshmëri kanë pasur ndikim shumë faktorë siç janë:
- Sjellja e stafit shëndetësor
- Infrastruktura
- Higjiena
- Ushqimi
- Shërbimet laboratorike dhe imazherike
- Furnizimi me barna dhe material shpenzues
- Referimi në institucione private
- Aftësia e pagesës
- Pritjet për kujdesin shëndetësor, etj.
