Lajmet e Fundit
PRAK Zgjeron Rrjetin e Bashkëpunëtorëve
Pas nënshkrimit të Memorandumit të Bashkëpunimit me Universitetin e Prizrenit, Shoqata për të Drejtat e Pacientëve në Kosovë (PRAK) ka zgjeruar më tej rrjetin e saj të partnerëve duke nënshkruar një memorandum bashkëpunimi edhe me Universitetin "Fehmi Agani" në Gjakovë.
Ky hap i rëndësishëm forcon angazhimin e PRAK për të avancuar edukimin dhe kërkimin në fushën e shëndetësisë dhe të drejtave të pacientëve. Përmes këtij bashkëpunimi, do të krijohen mundësi për:
- Projekte kërkimore mbi të drejtat e pacientëve dhe shërbimet shëndetësore
- Trajnime profesionale për studentët dhe profesionistët e shëndetësisë
- Fushata ndërgjegjësimi për përmirësimin e kujdesit shëndetësor
Ky partneritet do të kontribuojë në zhvillimin akademik të studentëve, mbrojtjen e të drejtave të pacientëve dhe forcimin e sektorit të shëndetësisë në Kosovë.