Lajmet e Fundit

Punëtoria Dyditore e PRAK për Qeverisjen e Mirë dhe Planifikimin Strategjik

Shoqata për të Drejtat e Pacientëve në Kosovë (PRAK) ka shënuar një moment të rëndësishëm në rrugëtimin e saj drejt forcimit të qeverisjes dhe planifikimit strategjik për vitet 2025-2029. Gjatë një punëtorie intensive dyditore, anëtarët e bordit, stafi ekzekutiv dhe anëtarët e PRAK bashkuan forcat për të formësuar një vizion të ri dhe strategji konkrete për të ardhmen.

Nën udhëheqjen e ekspertes së angazhuar, znj. Yllka Metaj, dhe përmes diskutimeve të hapura dhe punës ekipore, pjesëmarrësit diskutuan dokumente kyçe, përfshirë draftin e Strategjisë 2025-2029, rishikimin e organogramit dhe hartimin e rregulloreve të reja, që synojnë të rrisin efikasitetin, transparencën dhe përfaqësimin më të mirë të të drejtave të pacientëve.

Ky angazhim reflekton përkushtimin e PRAK për të qenë një zë i fuqishëm dhe një partner i besueshëm në përmirësimin e sistemit shëndetësor në Kosovë.

Falënderime të veçanta për të gjithë pjesëmarrësit dhe për projektin IHS, i cili ka qenë një shtyllë mbështetëse në këtë proces transformues.  

Së bashku për një të ardhme ku pacientët janë në qendër të çdo vendimi!